أهـلا أعضـاء أحلى منتدى في العالم شباب شرس حبايبي


ندخل في الموضوع على طول


فيه أسئلة غريبة جدا مش لاقيلها إجابة
قلت أشاركم فيها يمكن حد يقدر يجاوب عليها

---------------------------------
- ليه لما بتكون سايق عربيتك ... ودخلت في طريق غلط ... بتوطى صوت الكاسيت

((علشان مش عاوز الطريق الغلط يسمع الكاسيت))

--------------------

- ليه لما بتكون حجارة الريموت بتاع التلفزيون ضعيفة وأنت عاوز تحول القناة ..
بتضغط جامد على الزراير ..

((يعنى كده الحجارة هاتتشحن))

--------------------

- ليه لما بتكون بتجرب خط قلم جديد .. اول حاجة بتفكر تكتبها هي إسمك ..

((فرحان قوى بإسمك يعنى))

--------------------

- ليه في الإعلانات نلاقيهم بيقولوا ( هدية مجانية ) ...

((هو فيه هدايا بفلوس))

--------------------

- ليه لما بتركن عربيتك في جراج فاضى مافيهوش ولا عربية غير عربيتك ..
تيجي تلاقى إللى جه ركن عربيته بعدك ركنها جنب عربيتك

(( يعنى الجراج ده كله مش مكفيه ))

--------------------

- ليه لما بنكون مستنيين الاسانسير ويتأخر ...
نضغط عدة مرات بعصبية على زرار طلب الأسانسير ...

(( يعنى كده الأسانسير هايجي بسرعة ))

--------------------

- ليه لما يجي حد بعدك وإنت لسه مستنى الأسانسير ... يضغط هو كمان على الزرار ...

(( يعنى الضغطه بتاعته دي هي إللى هاتخلى الأسانسير يجيي أسرع ))
((ولا مش واثق في الضغطة بتاعتك))
((ولا يمكن نظرة ضعيف ومش شايف الزرار المنور ))

--------------------

- ليه لما تكون الأم بتأكل طفلها الصغير بالمعلقة في بقه .. بتفتح هيا كمان بقها ...

(( هو مين إللى هياكل بالظبط ))

--------------------

- ليه لما بتكون أمك بتصحيك الصبح .. تقولها سيبيني نايم كمان 10 دقايق ..

(( يعنى هما الـ 10 دقايق دول إللى هايشبعوك نوم ))

--------------------

- ليه لما بنقرأ على الحيطة لوحة مكتوب عليها ( إحترس من الدهان ) ...
نجرب بإننا بنلمس الحيطة بصباعنا ...

(( المفروض إللى كاتب اللوحة يكتب ( والله العظيم الحيطة لسه مدهونة من شوية خلى بالك -علشان تصدقه))

--------------------

- ليه لما بتكون قاعد في مكان عام وتسمع موبايل بيرن ...
على طول تطلع موبايلك من جيبك علشان تشوفه بيرن ولا لأ ...

(( يعنى مهم قوى سيادتك ))

--------------------

- ليه لما بتكون قاعد في بيتك وتسمع صوت المطر بره الشباك ..
تفتح بسرعة علشان تتأكد إذا كانت السماء بتمطر ولا لأ ...

(( فهمنى هاتفرق معاك في إيه ؟؟ ))

--------------------

- ليه لما بتكون ماشي في الشارع والمطر بيمطر ...
تجرى بسرعة .. وترفع أكتافك وتزل رأسك شوية ..

(( يعنى كده مش هاتتبل ))

--------------------

- ليه لما بتقرأ موضوع في أى منتدى
ويكون إللى كتبه تعب علشان يكتبه ويجيبهوله على طبق من ذهب ...
تستخسر فيه رد صغير حتى ولو كلمة واحدة ( شكرا ) ...

(( تتعب لو كتبتها ))

--------------------

شكراااااااااااااا على الموضوع الجميل
ودعوة لكل اعضاء منتدانا الشرس
زيدو الردود .... ولا تكونوا خاملين