سألوني ايه الأخبار
قلت العيشة بقت نار
شقيان ليل ونهار
وشغال زي الحمار
وبرضه كله طار
أصل ده زمن الشطار
والبلطجية ونواب القمار
مش زمن اهل الدار
آه…………ليل ومالوش نهار
ونهاره دمار في دمار
تشوف الخير فيها أنهار
بينهبو كام واحد من الشطار
وبيلعبوا بيه القمار
وعايشين ولا شهريار
تقف والله وتحتار
ايه هو انا حمار ؟
مش انا صاحب الدار
ولا خايف وعليا تار
خايف من عبده الجبار ؟
يا عم كفاية مرار
وعيشة كلها عفار
دول وبا ومالوش عقار
غير الحرق بالنار
تعبت يا عبد الستار
تعبت من كتر الأفكار
واظاهر مافيش خيار
غير اني اعيش حمار
موضوع: يا ريتني كنت حمار 
الخميس 7 أكتوبر - 21:02
